陶傑：獅子山頂講耶穌

2012年09月28日

所謂香港精神，據說係「獅子山下」，但原來是人迹罕至的獅子山頂，那幾塊獅子石，自「港英」撤走之後，慘遭塗污，有人用白油塗寫大量基督教口號，例如「主耶穌」、「耶穌是主」、「當信上帝」之類，要請工人清污。
如果教會人士以為在獅子山頭的崖石塗寫信耶穌口號，就可以招攬信眾，咁就是計錯數。一來獅子山頂並非廣東道，又沒有LV舖，絕無自由行大嬸爬山登頂，當做「購物景點」，如果這幾嚿大石頭係巿場，法輪功早已佔領此一高地，在石頭上寫滿「天滅中共」，又何須讓位給耶穌？
所以獅子石絕不是海底隧道口或地鐵燈箱，唯一Market，是準備爬上來跳崖的自殺人士。對於此一少數族群，天國已近，雖有感召力，但空有口號，人家看了之後，想臨死入教，又沒有神父牧師在懸崖邊即時接受告解兼辦手續，叫人信主，又冇follow-up，街頭傳銷，都叫人即刻碌卡過水簽約啦，可見全無責任心。
搞到清潔工人多了嘢做，一面剷抹污漬，一路吵媽拆蟹：「阻住我上東莞，耶穌你個仆街仔」，豈不是起反效果？