陶傑：紐西蘭護奶抗中

2012年10月04日

大陸客上水狂掃奶粉廁紙，搶高通脹，受害地區不止香港。紐西蘭奶粉近年受中國人瘋狂郵購追捧，大量流失往中國，紐西蘭奶粉國內大漲價，禍延本國利益，紐西蘭政府斷然宣佈限制。

愛祖國、用國貨，生下來，飲哪一國的奶水，是一個人基本國民教育第一課，更不容含糊。飲英國奶水大，必然親英，飲日本奶粉大則親日。紐西蘭是英裔白種文明國家，奉伊利沙白二世為元首，其奶粉本係為白種嬰兒調製，不適合中國人之後代。豈知中國愚民，天生賤骨，崇洋媚英，本性難改。加上不幸資訊發達，特區梁班子高官仔女早就棄絕三聚氰胺式國民教育，送去英國飲西奶，此等消息更令大陸人盲信為子女身心健康，西方白人的奶水搶先在嬰兒時灌輸更好。這又搞到紐西蘭感受中國威脅毅然咳奶截粉，保護本國白人下代營養不受搶掠。惟此舉必被視為美國重回亞太、紐西蘭響應吹雞圍堵中國之陰謀會傷害中國人感情。不過只須睇開啲，三聚氰胺國產奶粉，BB飲多會頭大，但會漸適應，總好過長大崇洋做漢奸，何況頭大之嬰兒係聰明好多呢。