陶傑大讚 港台應請何代吳志森

2011年12月09日

何伯之孫何柱國昨天只用30多分鐘論盡和梁振英近日的恩恩怨怨，精句百出。老紀特別請教才子陶傑，由他拆解何主席串串精句之妙。

■第一佳句：「佢口才好過我，紮腳可以紮三隻腳趾，你有無聽過？」

■陶傑點評：這句是精中之精，很有視覺效果。其實CY（梁振英）當天宣布參選一講呢件事，已引起中環人議論紛紛，一問時間上不吻合，梁母無理由要紮腳，二問為何這樣紮。不過，中環人出於虛偽，無人敢問，何柱國就好坦率；坦率是種美德，值得一讚。

■第二佳句：「呢間公司係你主業嚟㗎，阿Sir！呢間公司嘅主業去到做到零，將來你管治我哋香港，會唔會做錯決定而令我們香港一鋪清袋㗎？」

■陶傑點評：呢句之絕在，其實提醒香港人有阿董（董建華）先例；董建華的東方海外當時也是經營不善，要人注資挽救。現在可能有人有感而發，不希望悲劇重演。

■第三佳句：「一個記者佢問你嘅嘢，問咗成個幾月，你迴避佢唔答；你知啦，你哋都係記者，倘若佢唔答，你咪問多佢幾次囉；大聲同細聲有咩關係呢？」

■陶傑點評：說法相當有道理，記者這職業不是為人舒服而設，尤其是權力階層，要令到他們尷尬也是理所當然；須知記者和你無仇無怨，提問是為履行公眾知情權。

■滄海遺珠：「Bloomberg去做New York市長，佢都係成功先去。」

■陶傑點評：香港是一個實行資本主義制度城市，《基本法》保障香港資本主義成功運作，若你自己有資本經營失敗紀錄，邏輯上會令港人無咁大信心，所謂「商人做特首、要睇佢業績」。CY其實可以將計就計，無晒生意、一鋪清袋，那就名正言順站在平民一邊，和八十後、九十後一樣身家清白。

■「阿媽都破咗產，個仔邊度有錢呀？」

■陶傑點評：其實是要求梁振英解釋，為何身為上市公司股東，公司已清盤咁滯，但自己仲有咁多私己錢。

■「測量師同地產經紀，無咩分別，一個數量大啲、一個數量細啲。」

■陶傑點評：即是話CY同地產業其實有千絲萬縷關係，不只是一個專業人士咁簡單。

■「你驚唔驚佢封殺你哋新聞吖？咁惡，我認為毋須要驚嘅，佢個人好大量嘅，鬧下你幾句就無事嘅，佢夜晚瞓得着㗎。」

■陶傑點評：好明顯的綿裏藏針，這是說話藝術。

■「好似呢本書，話佢係共產黨，話佢係地下黨，我哋有無寫過呢啲嘢吖？係唔係，佢自己先知㗎。」

■陶傑點評：這也是經典，明顯是揶揄梁振英，但最後加句「係唔係佢自己知」，那就把責任放回梁振英。

陶傑結語：何柱國表現既有氣勢，也無悶場，港台沒有吳志森後應請他做客席主持；經常走在社會運動最前線的八十後青年，也應該學習。